spot_img

Ki Village Organisation ki pynmyntoi ïa ka pyrkhat pyrdaiñ: MLA Nongstoiñ

Date:

Share post:

Nongstoiñ, Naiwieng 29: Ka kyhnun jong ki Self Help Group hapoh ka shatri jong ka Village Organisation kiba don ha ka shnong Siejlieh, kawei na ki shnong kaba don ha sor Nongstoiñ, ka la kynjoh shi snem mynnin ka sngi 28 tarik Naiwieng 2022.

Kum shi bynta ban ïa lehkmen, ki VO ba kynthup ïa ka Langdait Mylloiñ Village organisation, Ngintei Ïalawei Mawthongthang Village organization, Pdengshnong Self Help Group bad kiwei kiwei, mynnin ka sngi ki la ïoh ban rakhe ïa katei ka jingdap 1 snem da kaba pynlong ïa ka jingïalang ha phyllaw skul sorkar kaba don ha katei ka shnong Siejlieh.

Ia kane ka jingrakhe la pynshongkun da ka jingiadonlang u bah Macmillan Byrsat MLA ka Nongstoiñ konstitwensi u la long kum u kongsan, bah Kevin Wanniang Cluster co ordinator, bah Happiness Tympuiñ sordar ka shnong Siejlieh, samla Deborlan Kharsyntiew Secretary ka shnong Siejlieh bad kiwei kiwei ki riew rangbah jong ka thaiñ.

U kongsan haba ai jingkren u la ong, “Ka jingdon jong ki VO ha ka shnong ka wanrah ïa ka ïoh ka kot ha ki longïing longsem bad ka wanrah ruh ka jingpynmyntoi ïa ka pyrkhat pyrdaiñ ha u briew bad ki nongshong shnong”.

Une u MLA u la ai khublei bad kitbok kit rwiang ia baroh ki dkhot bad nongïalam jong ka Village Organisation, ba kin nang trei shitom bad ban nang ïai kiew shakhmat ha ki liang baroh, khamtam ban kyntiew ïa ka rukom im rukom pyrkhat, khnang ban roi bad kiew ha ki liang baroh ha ka imlang sahlang.

Share post:

spot_img
spot_img

Popular

More like this
Related

Kynthoh tyngeh ka HYC ba HITO ia ka jingkren u Bah A.L.Hek halor ka MRSSA

Shillong, Naitung 30: Ka Hynniewtrep Youth Council (HYC) bad...

Assam | Pynjur ki bor pahara ia ka jingkhynra ULFA-I ha Upper Assam hashuwa ka Independence Day

Dibrugarh, Naitung 30: Ha shwa jong ka sngi ban...

Bthah ka Iingkashari ia ka Committee ban pynbeit noh ia ki kam iakajia jaka thang briew bad lum jingtep

Shillong, Naitung 30 : Ka Iingkashari Meghalaya High Court...

Phah jurip ka Iingkashari ia ki muktiar sha ki jaka pomdieng ka Shillong Peak Ropeway Project

Shillong, Naitung 30 : Ka Meghalaya High Court ka...