Shillong, Nailur 05: Ki Pulit ka East Khasi Hills hynne ka sngi Thohdieng kila kurup ia ki tiar siat ne Air Gun na ki 3 tylli ki kali hakhmat ka Ophis treikam jong u Superintendent of Police (SP) Shillong.
Ia kine ki tiar siat la ioh kurup na ka kali Audi, kali Bolero Mahindra bad kawei ka kali Toyota Innova.
Ka jingshah bat kine ki kali remdor kadei namar ba kine ki kali kidei kiba la tah iit iong bad ar tylli na ki, ki dei kiba ym pat don satia ia u registration number bad dei tang ka kali Bolero Mahindra kaba don ia u registration number ML05 AF 0309.
Hadien katto katne kynta jong ka jingtohkit, ki Pulit ka East Khasi Hills kila pynthikna ba kine ki suloi kiba la ioh kurup kidei ki Air Gun.
La ïathuh ba kine ki Suloi kidei bala pyndonkam da ki heh spah ban pyntieng briew bad hapoh jong kitei ki kali ki don ruh ki ‘Siren’ nalor ka jingdon lang ki nongbud, kiba la biang lut nadong shadong ki tiar ialeh.
Ka Director General of Police (DGP) ka Kong Idashisha Nongrang kala pynthikna ba kiba shah kem bad ki Air Gun kidei kiba ju thok aikam ia ki paidbah.
La iathuh ba uba shah kem udei uba la tip kyrteng Meban Snaitang uba kam ialade kum u Ophisar jongka MPSC bad Coy Officer Rank.
 Shillong.){kind=link}