Shillong Nailur 05: Ka Nongstoiñ College ha ka sngi thohdieng kala pynkup burom ïa ki khynnah pule jongka, kiba la pyndep ïa ka kyrdan Graduation lyngba katei ka shlem kiba kynthup ïa kiba la pass ïa ka B.Com, B.A. bad ka Bsc.
Kitei ki khynnah kiba la shah pynkup burom ki don 293 ngut ki dei ruh ki soh lyngba u snem 2022 – 2025 kiba katei ka shlem ka la ïoh ban sei mynta ka kynti.
Ha kane ka sngi u Vijay Kumar Mantri, IAS Commissioner and Secretary Incharge, Education ula long kum u kongsan ryngkat ka jingïadonlang u Bah H.K. Thabah Additional Deputy Commissioner ka West Khasi Hills District, ka Dr. Ïaisan Mawthoh ka Principal ka Nongstoiñ College bad kiwei kiwei.
Ha katei ka sngi la ïoh ruh ban ai ïa ki syrnod sha kitei kiba la pyndep ïa ki jingpule bad la pyniphuh iphieng ïa katei ka jingïalang da ki sur jingrwai ki jingshad bad kiwei kiwei ki jingpynbyrñgia bad la wan ban sakhi lang ïa katei ka sngi da ki kmie ki kpa jong ki khynnah pule.
