Shillong, K’lyngkot 03 : U President ka Kutumba Surakshya Parishad (KSP) Satya Ranjan Borah ha ka sngi Thohdieng ula ong ba ki Iingmane kim dei satia ki jaka ban ong “Jai Shree Ram”.
Haba kyntu ia ki paidbah ban burom ia baroh ki jait niam,u Borah ula ong “Baroh ki don ia ka hok ban im, ban mane blei bad ka hok ban pynpaw ia kaba ki sngew bad nga sngew ha kajuh ka por ba namar ka Ri India ka dei ka Ri ba burom ia baroh ki kam, baroh ki dei ban burom ia ki niam bapher bapher bad ki Jaidbynriew. Ki iingmane ki dei na ka bynta u Jai Shree Ram.
Ula kynthoh ia kane halor ka jingjia ba dang shen ha Iingmane ha Mawlynnong ha kaba uwei u nong jngohkai ula pyrta ‘Jai Shree Ram” hapoh ka Iingmane.
“Ki hap ban burom ia ki Iingmane bad ki Iingmane ruh ki hap ban burom ia ki Mandir, ki Temple bad ki hap ban burom ia ngi ruh namar ka jingiaburom kam dei ban wan tang na shiliang” ong une u Nongialam ka seng Hindu.
