Nongstoiñ, Risaw 9: U Nongialam ka seng Hynniewtrep Youth Council (HYC) ka Nongstoin Circle, samla Olivertwis Marngar ula pyntip ba ka seng HYC kala khang pyrshah ia baroh ki Dkhot ba kin iasboh ha ki kam politics ne rung kam politics katba ki dang long ki dkhot ka seng.
Une u Nongialam ka HYC ula kren ia kane ha ka jingialang pynskhlem ia ka HYC Nongjri Unit ha shnong Nongjri, kaba hap hapoh ka HYC Nongtrai Circle, West Khasi Hills.
U Samla Lumlang Kharsyiemlieh President ka HYC-WKH haba ai jingkren hadien ka jingpyntian smai ia ki dkhot ka Nongjri Unit, ula ong ba ka HYC ka kmen eh ba ki samla na man ki thain ne jan man ki shnong kila rung sha ka seng ban shakri ia ka jaidbynriew
“Ban ieid ïa ka Jaitbynriew dei ban sdang na la ïing, bad donkam ruh ban trei shitom naduh ki nongïalam bad ki dkhot ban ïoh jingjop ka HYC bad ka Jaitbynriew” ula ong.
Ki nongialam jong ka HYC-Nongjri Unit ki long u President Samla Spailin Wanniang, Vice President Samla M Wahlang, General Secretary Samla Kitdorlang K.Snar, Assistant GS Samla K.Rongrin, Education Habanskhem Sohphoh, Organising Secretary Samla Johnpoul Wanniang bad kiwei kiwei Nongkitkam bad ki dkhot ka HYC Nongjri Unit.
