Shillong, Nailur 07 : Ki Pulit ka East Khasi Hills, ha ka sngi Thohdieng, kila pynlong ia ka jingkhynra kyiad ha kylleng ki jaka ka nongbah Shillong ban tehlakam ia ka jingkhaii kyiad be-ain bad kurup haduh 170 liter ka kyaid.
Ia kane ka jingkhynra la pynlong ha ka thain jongka Sadar, Police Bazaar, Polo, Mawblei bad Madanrting.
Kat kum ka jingpyntip u Superintendent of Police, ki Pulit kila ioh kurup haduh 100 miter ka kyiad pyrsi bad 70 liter ka kyiad phareng (IMFL).
Nalor kane, ki Pulit kila leh tyngeh ruh ia ki nongpynkhynwin shnong ban pynthikna ia ka jingshngain ki surok na ka bynta ki paidbah.
U pyntip ba ki Pulit ka East Khasi kila kut jingmut ban iakhun pyrshah ia ka jingdie kyaid be-ain, ka jingniah kali hapdeng ka jingshoh khaw-iang bad kiwei kiwei ki kam be-ain, ban pynthikna ia ka jingshngain, ka jingiada bad ka shongsuk jong ki nongshongshnong.
