Guwahati, Lber 16 : Ka Tnad Central Goods & Services Tax (GST) kala pynjur ia ka jingkhynra ia ki karkhana coke ki ba khlem siew ia ka khajna hapoh ka Jylla Assam.
Ha ki jingkhynra bala pynlong ha kine ki shitaiew tam, ki Heh ka GST kila hiar khynra ia bun tylli ki karkhana Coke kynthup ia ka Maa Kamakhya Coke ha Gauripur, Goalpara District, hapdeng ka jingkynnoh ba kim shym la siew ia bun bah ka khajna.
Ka Maa Kamakhya Coke Inddustries kaba la register ha u 2016, kala paw ha ka jingkhaii ia u coke bad coke breeze, Pearl Coke, Met Coke bad kiwei kiwei. Kane ka kompani ka don ha Guwahati, Assam bad ka dei kaba hakhmat duh na ki nongdie ia ki mar.
Kat kum ka khubor, kane ka karkhana kala jied ia u dewiong na ki nongkhaii da kaba pyndonkam ia ki kot ki sla thok bad ki chalan thok, kaba lam sha ka jingiaid kiar ban siew khajna sha ka Sorkar Pdeng. Ki heh Ophisar ki sub aba kine ki nongkhaii ki lah ban die kiba shu khaii thok bad kiba paw tang ha ki kot ki sla ban lait ka siew khajna.
Ha kawei pat ka jingkhynra, sa kawei ka kynhun ka GST kala leit khynra ia ka Ophis ka Maa Kamakhya Coke Industries ha Beltola, Guwahati bad kurup ia ki kot ki slab a donkam ia kiba la ngeit ba ki dei kiba don jingiadei bad ka jingtohkit ba dang iaid shakhmat.
Kane ka kynhun tohkit ka don jingthmu ruh ban nang pynlong ia ki jingkhynra ia ki nongkhaii dewiong kiba treikam na Guwahato, ia kiba la ngeit ba ki don bynta ha kane ka kam beain.
 kala pynjur ia ka jingkhynra ia ki karkhana coke ki ba khlem siew ia ka khana hapoh ka Jylla Assam.){kind=link}