Shillong, Jylliew 26 : Ka Hynniewtrep Youth Council (HYC) Dangar Balat Border Circle kala bthah ia ki nongkhaii bar jylla ha ki thain khappud ba kin pynthymmai ia ki Trading Licence bad work permit hapoh ka shibnai, hadien ba ka jingkhynra ka shem ba ym don kawei ruh ka dukan kaba don ia ki kot ki sla kiba biang.
Ka jingkhynra, bala ai kyrteng kum ka “Sier Lapalang Operation” la leh ha ka 25 tarik Jylliew hapoh ka jingialam u President ka Circle Marius Nongsiej bad Secretary Amshelties Shylla.
Ia kane ka jingkhynra la leh ha Iew Balat, Iew Dangar bad kiwei ki jaka kiba hap hapoh ka thain Dangar-Balat.
“Ha ka jingkhynra ia ki Trading Lincence bad Work Permit/Labour Licence, ka Seng ka kyndit ban shem ba ym don kawei ruh ka dukan kaba don ia ki kot ki sla kiba biang” ong ka HYC ha ka kyrwoh.
“Ki kot ki sla kiba don ruh ki dei kiba la iap lut bad ym don kawei ruh kaba la pynthymmai” kala ong.
Kane ka Seng kala dawa ia ka Executive Committee ka Khasi Hills Autonomous District Council, lyngba u Executive Member ba khmih ia ka tnad Trade ba kan shimkhia bha ia kane ka kam.
“Kum ka seng, ngi la ai ia ka jingmaham kaba shai sha ki briew jong ka thain, ka Jylla bad ka shnong kt haw, bad ruh ia ka EC jong ka KHADC lyngba u EM ba khmih ia ka Tnad Trade, ba ngi la aipor shibnai ban pyndep ia ka jingpynthymmai ia ki Trading Licence bad Work Permit” ong ka kyrwoh.
Ka HYC kala maham ruh ban leh da kaba tyngeh lada ki nongkhaii kim lah ban pyndep ia kaei kaba la bthah. “Lada kim lah ban pynthymmai ia ki Trading Licence bad work permit hapoh ka por bala buh, ngi kum ka seng ngin shim ia ki sienjam kiba tyngeh” kala ong.
 Dangar Balat Border Circle kala bthah ia ki nongkhaii bar jylla ha ki thain khappud ba kin pynthymmai ia ki Trading Licence bad work permit hapoh ka shibnai, hadien ba ka jingkhynra ka shem ba ym don kawei ruh ka dukan kaba don ia ki kot ki sla kiba biang.){kind=link}