Shillong, Naitung 19: Ha ka jingkhynra kaba syndet ha ka por mynstep, ka Hynniewtrep National Youth Front (HNYF), Northern Region, kala lap ia bun tylli ki kali kiba kit ia ki dohkha kiba dang im shapoh jylla Meghalaya khlem ka jingdon ia ki kot ki sla ne khamtam ia ka trading license.
Ia kane ka jingkhynra la pynlong ha Byrnihat, ha kaba ka HNYF kala lap bun tylli ki kali kiba wan na Assam kim shym la lah ban pyni ia ki kot ki sla kiba donkam. Ym shim la don tang kawei ka kali ruh ban longtrai da ki riewshimet Khasi hynrei la leh da ki bym dei ki trai jylla ia kaba la kynnoh ba kila pyndonkam da ka kyrteng Khasi ban iaid lait ia ki kyndon ain.
Ka HNYF kala maham tyngeh ia kitei ki nongkhaii bad ka kyntu ba kidei ban bud ryntih ia ki kyndon ain jongka jylla. Kala kyntu ruh ia ka Khasi Hills Autonomous District Council (KHADC) ban leh da kaba tyngeh pyrshah ia kito ki bym don kot don sla, da kaba pynpaw ba kane kan ktah jur ia ka kamai kajih jong ki trai jylla..
, Northern Region, kala lap ia bun tylli ki kali kiba kit ia ki dohkha kiba dang im shapoh jylla Meghalaya khlem ka jingdon ia ki kot ki sla ne khamtam ia ka trading license.){kind=link}