Shillong, Naitung 23 : Ka Federation of Khasi, Jaintia & Garo People (FKJGP) kala pynpaw ia ka jingkhuslai ba ka jingkyn dang ia ki mynder ri dang shen na Assam, ka lah ban lam sha ka jingwan rung sha Meghalaya, khamtam ba ka Jylla ka dei kaba don mar syndah.
Ha ka kyrwoh ba pyllait ha ka sngi Balang, u Vice President ka FKJGP Bah Kitboklang Nongphlang, ula pynpaw ba ki district kum ka Ri-Bhoi, West Khasi Hills, East bad West Jaintia Hills lem bad ka thain Ri-lum Garo,ki don jingma bha namar ka jingbym don ki lad ban pyrrkhing ia ka jingwan rung kyrthep ki briew ba nabar sha Meghalaya.
Ka FKJGP kala pynrem ruh ia ka Sorkar Jylla ba kam lah ban pyntreikam bha ia ki ain kiba la don lypa, kum ka Inter-State Migrant Workmen (Regulation of Employment and Conditions of Service) Act, 1979, ka Meghalaya Residents Safety and Security Act (MRSSA) 2016, bad ka Meghalaya Identification, Registration (Safety & Security) of Migrant Workers Act 2020.
Ula kynthoh ba kane ka jingbym lah pyntreikam bha ia ki ain bala don lypa ka pyni ia ka jingbym don mon da ki bor synshar ban iada ia ki paidriewlum trai Jylla.
Une u Nongialam ka FKJGP ula pynpaw ruh ia ka jingbym sngewtynnad halor ka jingbym leh eiei ka Sorkar Jylla ban buddien bad ka Sorkar Pdeng ha kaban pyntreikam ia ka Inner Line Permit (ILP), watla ia kane la mynder da ka Iingdorbar Thaw Ain naduh u snem 2019.
Ula kynnoh ba ka Sorkar Jylla kala pyrshang ban tapeit miaw ia ka jingbym lah treikamjong ka ha ka nam da kaba tyrwa ban wanrah ia ki jingpynkylla ha ki kyndon ki ban pynkhlain ia ka MRSSA, 2016.
 kala pynpaw ia ka jingkhuslai ba ka jingkyn dang ia ki mynder ri dang shen na Assam, ka lah ban lam sha ka jingwan rung sha Meghalaya, khamtam ba ka Jylla ka dei kaba don mar syndah.){kind=link}