Shillong, Naitung 13 : Ki Nongkieng lieng Kayaker bad Paddler na Meghalaya kila wanrah nam ia ka Jylla da ka jingjop haduh 5 tylli ki takma na ka National Canoe bad Kayak Championship kaba long ha Wah Kali ha Ganeshgudi jong ka Shnong Aveda, Joida Taluk, Karnataka.
Ia kane ka lympung la pynlong da ka Indian Kayaking & Canoeing Association naduh ka 19 tarik Jylliew haduh ka 21 tarik Jylliew. La pynlong ia kane ka lympung ha ki laibnai : Canoe Slalom Senior Men bad Women Championship, Canoe Junior Men & Women Championship, bad ka Kayak Cross National Championship.
Ia kane ka lympung iakop kienglieng kayak la pynlong ha ryngkat ka jingiatreilang bad ka General Thimayya National Academy of Adventure (GTNAA).
Kiba ioh khur takma na Meghalaya ki kynthup :
1. Elizabeth Vincent – Takma ksiar ha ka Kayak Cross Senior Women
2. Pynshngain Kurbah – Takma rupa ha ka Kayak Cross Senior Men
3. Indra Sharma – Takma rupa ha ka C1 Junior Men
4. Elizabeth Vincent – Takma rynnong ha ka K1 Senior Women
5. Meghalaya Team – Takma rnnong ha ka K1 Senior Men Team Event.
Palat 80 haduh 100 ngut ki nongiashimbynta kila wan ban mihkhmat na ki 10 tylli ki Jylla ha kane ka lympung.
