Shillong, Nohprah 31 : Ka samla Aaira H Wahlang kala ioh khur ia ka takma rnong na ka lympung All Bodoland Taekwando Championship ba long ha Kokrajhar.
Ka Shillong Taekwondo Academy, kaba la iasoh bad ka All Meghalaya Taekwondo Association, kala sei ia ki nongialehkai ba don sap ha ka 31st Kyorungi bad 12th Poomsae All Bodoland Taekwondo Championship kaba long naduh ka 27 tarik Nohprah haduh ka 29 tarik Nohprah ha Bodoland Taekwondo Stadium, Kokrajhar.
Ka samla Aaira H Wahlang, kala ioh khur ia ka takma rnong ha ka jingiakhun kaba iakhaid bha bad ka nongialehkai na Assam.
Kane ka lympung ialehkai kala khring ia ka jingwan iashimbynta ki nongialehkai na kylleng ki jaka kynthup ka SAI, SSB, BSF, Assam Police, ka kynhun na Meghalaya, Sikkim, Upper Assam, bad Kokrajhar District.
