Shillong, Kyllalyngkot 1 : Ka Hynniewtrep Youth Council (HYC) kala kyntait ia ka jingtyrwa ka Sorkar Jylla ban pynrung ia ki kyndon ba syriem kum ka ILP ha ka Immigration and Foreigners Act, 2025 haba khein ia ka kum ka buit politics tang ban pyntlot bad pynsuki ia ka jingdawa pyntreikam ia ka ILP ba Meghalaya.
Ha ka kyrwoh ba pynmih ha ka sngi Balang, u President ka HYC Bah Roykupar Synrem ula ong ba ki paidbah ka Jylla Meghalaya kin ym hun satia da kaba pyndonkam ia ki kyntien ki bym thikna bad kaba lah ban pynman kat kaba kwah ha ka lynti ka ain.
“Ki kyndon ba syriem ia ka ILP kam dei ka ILP” ula ong haba bynrap “Lada ka Sorkar Jylla ka thmu hok shisha ban iada ia ka bha ka miat ki trai muluk, kan jin da lah ioh ia ka ILP ha ka jaka ban iai tyrwa ia kiwei pat ki sienjam ki bym long shai kat kum ka ain, ka bym don ia ki kyndon bala pynkhreh (draft provision) bad ka ba khlem buh por”.
Ka HYC kala kynthoh ia kane halor ka jingkren ba dang shen jong u Symbud Myntri Rangbah ba khmih ia ka kam Pohiing (Police) Bah Prestone Tynsong halor kane ka kam, haba ban jur ba kano kano ka ain ka bym don ia ka bor ba pura ban pyrrkhing ia ka jingrung, ki nongshongshnong, ka ioh kam iohjam, ka khaii ka pateng, ka jingbuhai shnong ki bym dei ki riewlum ka dei ka jingshet kylla ia ka jingshngain ki trai ri trai muluk.
Kala maham ba kano kano ka jingpynrung ia ka kyndon kaba tlot ha ka Central Act, kan ym lah satia ban tehlakam ia ka jingrung beain ki mynder ri ne iada na ki jingthombor ha ka jingbun paid.
“Ngi kren shai ba kano kano ka ain ka bym ai ka bor ba pura ia ka Meghalaya ban pyrrkhing ia ka jing rung, ban sah, ban trei ban ktah, khaii, bad buhai shnong ki briew bym dei ki riewlum ka dei ka jingshet kylla ia ka jingsngain ki trai ri trai muluk” ong u Bah Synrem.
Ka HYC kala dawa ia ka jubab na ka Sorkar Jylla da kaba ong “Hato ka Meghalaya kan ioh ia ka ILP ba pura kaba don ia kajuh ka bor kat kum Bengal Eastern Frontier Regulation, 1873, ne em? Kano kano kaba duna hi ia kane ka dei ka jingthok”.
 kala kyntait ia ka jingtyrwa ka Sorkar Jylla ban pynrung ia ki kyndon ba syriem kum ka ILP ha ka Immigration and Foreigners Act, 2025 haba khein ia ka kum ka buit politics tang ban pyntlot bad pynsuki ia ka jingdawa pyntreikam ia ka ILP ba Meghalaya.){kind=link}