Guwahati, Naitung 01: Ka India Meteorological Department (IMD) kala pynmih ia ka jingpynbna ba pyntip ba kan don ka jingslap jur naduh ka 1 tarik haduh ka 5 tarik u Naitung ha ka jylla Assam.
Ka Regional Meteorological Centre ha Guwahati kala pynmih iaka jingmana “Orange Alert” kynthup iaka jingslap jur ha kiba bun ki bynta jong ka jylla Assam, ia kaba yn don ruh ka eriong bad ka jingpom pyrthat.
Ka Northern Limit jong ka lyiur ia mynta ka dang iaid lyngba ka 26°N/65°E, Jaisalmer, Churu, Hissar, Kurukshetra, Rajpura, Ludhiana bad 31.2°N/74.5°E.
Nalor kane kan don ruh ka jingjur jong ka eriong erngit ha Assam bad ha ki jylla kiba marjan kaba 1.5 km nalor jong ka sla duriaw. Kane ka jinglong jingman ryngkat bad ka jingsngem kaban mih lyngba ka Bay of Bengal namar ka jingjur ka lyer, kumta la khmih lynti ba kan don ka jingslap ha kylleng ki bynta jong ka thaiñ.
Ka jinglong jingman jong u slap haduh mynta, ha Gossaigaon ha Kokrajhar district kala ioh ia u slap uba 20 cm, Jiagaon ha Tinsukia district ka la ioh ia u slap uba 15 cm, Hazuah ha Barpeta district kala ioh ia u slap ba 14 cm, Majuli ha Jorhat district kala ioh ia u slap ba 13 cm, ka Kokrajhar ha Kokrajhar district kala ioh 13 cm bad ka Ranganadi Nt Xing ha Lakhimpur district kala ioh ia u slap uba 12 cm.
Ka jingmaham ia ki District ha ka jylla Assam naduh ka 1 tarik haduh ka 5 tarik u Naitung 2024
Ha ka 2 Tarik u Naitung: Ka don ka jingkhmih lynti ban don ka jingslap ha Goalpara, Bongaigaon, West Karbi Anglong bad Dima Hasao district. Ka lah ban don ka jingslap ryngkat bad ka jingpom pyrthat ha Jorhat, Tinsukia, Cachar, Hailakandi, and Karimganj districts, Barpeta, Nalbari, Karbi Anglong, Majuli, Sibsagar, Charaideo bad Dibrugarh.
Ha ka 3 tarik u Naitung: Kiba bun ki bynta ha Dhubri bad Chirang districts kin ioh ia u slap bad kan don ruh ka khep ba ka jingslap kan long kaba jur. La khmih lynti ruh ba kan don ka jingslap jur bad jingpom pyrthat ha Goalpara, Kamrup (R), Biswanath, Majuli bad Dima Hasao.
Ha ka 4 tarik u Naitung: Ka Kokrajhar, Chirang, Baksa, Barpeta, Bongaigaon, Nalbari, Udalguri, Biswanath, Lakhimpur bad Dhemaji district ki lah ban sakhi ia ka jingslap ha kaba kan ruh ha ki katto katne ki bynta ban don ka jingther u lapbah ia kaba la khmih lynti ba kan dei ha Dhubri, South Salmara, Goalpara, Bajali, Tamulpur, Kamrup(R), Kamrup (M), Darrang, Morigaon, Nowgaon, Hojai, West Karbi Anglong, Golaghat, Sonitpur, Jorhat, Majuli, Sibsagar, Charaideo, Dibrugarh, Tinsukia & Dima Hasao districts. Nalor kane ka lah ban don ruh ka jingslap bad kaj ingpom pyrthat ha kiwei pat ki jaka ruh.
Ha ka 5 tarik u Naitung: Kan don ka jingslap ha kiba bun ki jaka bad kan don ruh ka jingslap jur ha ki katto katne ki jaka ha West Karbi Anglong bad Dima Hasao district. Ka jingslap jur bad ka jingpom pyrthat ka lah ban jia ruh ha Dhubri, Barpeta, Kamrup bad kiwei kiwei ki jaka.
Ka IMD kala ai iaka jingmaham bad jingbthah ia ki nongshong shnong ha ka jylla Assam ba kin long kiba la pynkhreh ialade ba ka lah ban don ka jingkahdum ia kaba yn jynjar ban iohi namar ka jingbteng jong ka jingslap, kan don ka jingthud ka jingiaid ki kali shipor namar ka jinglang um, ka jingshah ktah jong ki surok bad ki jingtei kila la tor.
Ka don ka jingma ba ka lah ban mih ka jingtwa khyndew, ka jingshah pynjulor ki jingthung jingtep, ka jingma ia ki paidbah bad ia ki mrad na ka jingpom pyrthat, ka jingshah pynjulor jong ka khyndew.
Ki sienjam kiba dei ban shim kiba kala ai jingmut ka long ban bud ia ki jingbthah jong ki bor pyniaid ia ki kali, ban kiar na kaban leh ha ki jaka kiba lang um, ban kiar na ka ban shong ban sah ha ki jaka kiba ju don ki jingtwa khyndew, ban shong ne riehtngen ha ki jaka kiba biang ha ka por ba slap jur bad don ka jingpom u pyrthat, ban kiar ha kaban rep ban tiang ha ka por ba jur slap bad ba pom u pyrthat.
Nalor kane ban pynsangeh shwa iaka jingthmu ban bet ia ki symbai jingthung bad kiwei kiwei bad ban long barabor kiba ialeh ban ioh ia ki jingtip kiba mardor.
