Shillong, Naiwieng 16: Hapdeng ka jingshongshit ki paitbah ha ka tamasa Cherry Blossom lyngba ka jingpynbyrngia ki kynhun tem bad ki nongrwai, ki paitbah kila ioh ruh ia ka lad ban ioh ban ia shondur lang bad u Myntri Rangabh ka jylla u Conrad K Sangma uba la leit jngoh ia ki Arena ne ki jaka kiba la pynkhreh ban pynsngewtynnad ia kane ka tamasa.
Ki riewieid jingrwai kila dap da ka jingkmen ban iakynduh ia u Myntri Rangbah ka jylla ban khublei kti bad kila shim ruh ia ka por ban shondur bad ban ring video bad u Conrad Sangma.
U Myntri Rangbah ula pynlut shi kynta ia ka por ban leit ha ki jaka kiba la pynkhreh ha katei ka tamasa bad ha ka por mynmiet kaba la pynlong iaka Concert kaba kongsan ula leit ha ka jaka “Fan Pit” ban sakhi ia ka jingshongshit jong ki paidbah ha kane ka tamasa.
