Tura, Nailar 28 : Ka Sorkar Jylla kala pynbna ban khot noh da ka walk-in interview ha Tura na ka bynta ki samla B.Sc Nurse ka Ri-lum Garo, ban thungkam ha ki 21 tylli ki post ka Mid Level Health Provider (MLHP).
Kane ka jingkhot interview ka Sorkar kala mih hadien ka jingujor ia ka rai jong ka Sorkar ban pynlong ia ka campus recruitment (thungkam na ki jaka pule) jong ki samla pule B.Sc Nurse kiba don ia ka certificate ha ka Community Health na ki artylli ki Nursing College ka Jylla, ha NEIGRIHMS bad Woodland Hospital, kaba pynlong ia bun kikyrtong na Ri-lum Garp ban duh ia ka lad iohkam namar ka jingbym biang ka jingpynbna paidbah.
U Mission Director ka National Health Mission ha ka sngi Nyngkong, ula pynmih ia ka jingpynbna ba ka walk-in interview kan long ha ka 4 tarik Nailur ha Working Women Hostel, Tura bad ka kyndon thungkam kan long tang ia kiba pass ia ka B.Sc Nursing ryngkat ka Community Health Course Certificate, nalor kiwei kiwei.
Kane ka jingthungkam ia ki MLHP kan long na ka bynta ki Health bad Wellness Sub-Centre kiba don hapoh ka Jylla.
Pule lang ia kane: Rakhe ka Ophis u DSO ia ka National Sports Day da ka lympung ialehkai
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
