Khot iakren ka Sorkar ia ka MMSA ba byrngem iakhih halor ka IIPH

Date:

Share post:

Rai pynsangeh shipor ia ka jing sangeh treikam ba 24 kynta

Shillong, Jylliew 27: Ka Sorkar Jylla hynne ka sngi nyngkong kala khot iakren ia ka Meghalaya Medical Service Association (MMSA) hadien ba kane ka synjuk kala rai ban pynlong jingiakhih da kaba sangeh treikam ba 24 kynta naduh lashai ka step sngi ba-ar ban pyrshah jur ia ka jingleh mutlop ka Sorkar ban ai jingpynshitom ia ka Indian Institute of Public Health (IIPH), Shillong.

Kane ka jingkhot iakren kala wan jia ruh tang hadien katto katne kynta ba u Myntri Rangbah ka Jylla Conrad Kongkal Sangma, ula pyntip ba ka Sorkar kan sa khot iakren ia ka MMSA ban iapynbeit ia kane ka kam.

Kane ka jingkhot iakren kala wan na i Secretary ka Tnad ka Koit ka Khiah kong M Kurbah, iba la pyntip ba ka Sorkar ka la shong bishar mynta ia ki mat jingdawa jong ka MMSA haba buh ruh ka jingkyntu ia ki doktor ba kin pynsangeh shwa ia ka jingiakhih.

Ka MMSA ha ka jingialang ba kyrkieh jong ka State Executive Committee ba long hynne ka 27 tarik, kala rai ban pynlong da ka jingsangeh treikam ba 24 kynta ka ban sdang naduh ka por 9 baje mynstep jong ka sngi ba-ar haduh ka por 9 baje mynstep jong ka sngi balang.

Ka MMSA kala shim ia kane ka rai namar ka jing mynthi jong ka sorkar ban pyntreikam ia ka mat jingdawa ha ka ban thung ia ka jingtohkit bad ban leh ia kaba donkam pyrshah ia u Registrar bad ka Director jong ka IIPH ba ki pynthohbria ia u Director ka Health Services (MI) Dr Aman War ha ki lad pathai khubor halor ka jingjia ba jia h ka 27 tarik Jymmang ha Campus barim ka NIFT, Pastuer Hills, Lawmali.

” Namar ka jingbym leh eiei jong ka Sorkar, ka SEC kaba shong jingialang hynne ka step, kala rai ban pyniaid shakhmat ia ka jingiakhih jong ka kylla ba nyngkong da kaba sangeh treikam ba 24 kynta naduh ka por 9 baje mynstep jong ka 28 tarik Jylliew haduh ka por 9 baje mynstep jong k 29 tarik Jylliew” ong u General Secretary ka MMSA Dr R Pohsnem ha ka.shithi bala phah sha i Secretary ka Tnad ka Koit ka Khiah ka Jylla haba pyntip ia kane ka rai.

Ka MMSA kala pynpaw ruh ia ka jingkyndit halor ka rai jong u Principal Secretary ka Tnad ka Koit ka Khiah u Sampath Kumar ban ia shah sha ka IIPH kaba dei ka Institute shimet ha ka jaka ban sngap shwa ia u DHS (MI) u ban iathuh ia kaei kaba jia ha ka 27 tarik Jymmang ha Campus barim ka NIFT.

Shwa kane ka jingkhot iakren, u Myntri Rangbah haba iakren bad ki nongthoh khubor hynne ka janmiet ula pyntip ba un sa khot iakren noh ia ka synjuk ki doktor- ka Meghalaya Medical Service Association (MMSA) ban pynbeit ia kane ka kam.

” Ngin sa iakren bad ki (MMSA) bad ngin sa pynbeit ia kane ka kam na ka bynta ka bha ka miat ban shakri paidbah” ong u Conrad haba iakren bad ki nongthoh khubor.

U Myntri Rangbah ula iathuh ba ula ioh jingtip halor kane ka kam bad ula dep ruh ban iakren bad u Myntri ka Tnad ka Koit ka Khiah u James PK Sangma. “Ka dei ka kam kaba khia bha namar kan ktah ia ka jingshakri ia ki pajdbah bad ngi hap ban pynbeit noh mardor ia ka” ula ong.

Share post:

spot_img

Popular

More like this
Related

Hukum ka Iingkashari ia ka Sorkar ban bud ia ki kyndon ban wanrah jingkhuid ha pung Umiam

Shillong, Rymphang 24 : Ka Iingkashari Meghalaya High Court...

Govt to issue notification on age limits for jobs soon

SHILLONG, FEB 26: Chief Minister Conrad K Sangma on...

Shen yn pynmih jingpynbna ka Sorkar halor u pud rta ioh kam

Shillong, Rymphang 26 : U Myntri Rangbah ka Jylla...

Yn pynlong jingiakhih ki ar seng namar ka jingslem ban pynmih ia ka resol DSC

Nongpoh, Rymphang 26: Ka Ri Bhoi People’s Council (RBPC)...