Shillong, Naiwieng 05: Ka Hynniewtrep Achik National Movement (HANM) kan leit ban iakynduh ia ki heh ophisar jong ka Ministry of Home Affairs (MHA) ha ka sngi Balang ban buddien halor ki 3 tylli ki mat jingdawa jong ka seng.
Haba iakren bad u President ka HANM Bah Lamphrang Kharbani ula ong, ba ki heh ophisar kila khot iakren ia ki nongialam ka HANM hadien ba kila dep ban pynlong iaka jingiakhih da kaba shong kyllain mungor ha Jantar Mantar, Delhi haka 3 tarik u Naiwieng.
“Ma nga ryngkat bad 5 ngut ki nongialam ka seng ngin leit ban iakynduh ia ki heh jong ka MHA ha ka sngi Balang ne Sngi Palei bad ngin leit ban iakren halor ka jingdawa ban pyntreikam ia ka Inner Line Permit ha Meghalaya, ban pynrung noh iaka ktien Khasi bad Garo ha ka khyrnit kaba phra jong ka riti synshar ka ri bad ban pynbeit noh ia u pud u sam hapdeng ha jylla Assam bad Meghalaya” ula ong.
Ula iathuh ba ki nongialam ka seng kila shah khot iakren ha ki heh ka MHA hadien ba kila dep ban pynlong ia ka jingiakhih ha nongbah Delhi.
Kumban shu pynkynmaw, ha ka 3 tarik u Naiwieng ka HANM kala pynlong iaka jingiakhih ha Jantar Mantar ha kaba palat spah ngut ki dkhot kila iashimbynta ha kane ka jingiakhih ha kaba la wan ban ai jingkyrshan da ki nongialam jong ka Jaintia National Council bad ki 2 ngut ki MDC ka KHADC kiba kynthup ia u Bah Bajop Pyngrope bad u Bah Sherbor Mawlong.
 kan leit ban iakynduh ia ki heh ophisar jong ka Ministry of Home Affairs (MHA) ha ka sngi Balang ban buddien halor ki 3 tylli ki mat jingdawa jong ka seng.){kind=link}