Shillong, Jymmang 27 : Ka Tnad Pulit kala khot hajir ia ki Nongialam jong ka seng Hynniewtrep Youth Council (HYC) halor ka jingkynnoh ba kila leit kyndang bad pynpra be-ain ia ki Iing ha Lum Survey.
Kane kala wan jia hadien ba ki Pulit kila register case pyrshah ia u President ka HYC Roykupar Synrem, Vice President Donboklang Kharlyngdoh bad Asst General Secretary Isaac Basaiawmoit myn ha ka 23 tarik Jymmang.
Ka notice kala hukum ia ki nongialam ka HYC ba kin leit mih hakhmat u Investigation Officer ha Sadar Police Station.
“Ha ka por ba tohkit ia ka ejahar…bala register ha Shillong Sadar Police Station, la paw ba ki don ki daw ban kylli ia phi ha ka ban pynthikna ia ki jingshisha bad ki jingjia na phi haba iadei bad ka jingtohkit. Kumta la bthah ia phi ban wan mih sha nga ha ka pr 1 baje jong ka 28 tarik Jymmang ha Sadar Police Station…lada ym wan/yn kohnguh ia ki kyndon jong kane ka notice, ngi lah ban kem ia phi hapoh ka kyndon 41 A(3) bad (4) jong ka CrPC” ong ka notice bala phah da u Sub Inspector BS Sangma.
Ha ka sngi Saitjain, ka Meghalaya Human Rights Commisson (MHRC) kala shim suo moto case halor ka jingpan jingiarap jong ki longiing kiba shah pynpra ha Lum Survey.
Ka Committee kala phah notice sha u Chief Secretary ba un aiti ia ka kaiphod kaba bniah ha lane shuwa ka 30 tarik Jymmang.
 halor ka jingkynnoh ba kila leit kyndang bad pynpra be-ain ia ki Iing ha Lum Survey.){kind=link}