Shillong, Jylliew 11 : Ka Meghalaya Human Rights Commission (MHRC) kala khot hajir ia u Superintendent of Police (SP) ka East Khasi Hills Rituraj Ravi, halor ka jingpyrshang ban pynkit jubor ia ka Longkmie ba shah jingit sha Hospital.
Kat kum ka kyrwoh na u Secretary ka MHRC, ka Commission kala pan ruh ia ka kaiphod kaba bniah na ka Director General of Police (DGP) halor kane ka jingjia.
Ka dei ha ka miet 9 tarik Jylliew, u SP ka EKH ula leit sha ka jaka ba shong shah jingit ka Longkmie na Umden, Kong Bindas Syiem bad pyrshang ban pynkit jubor ia ka sha Hospital.
Ha kane ka jingjia, kala mih ka jingiatai nia kaba jur bad ki nongkyrshan ka kong Bindas.
Ka Commission kala bthah ia une u Heh Pulit ka District ba un wan mih dalade hakhmat ka Commission ha ka 20 tarik u Jylliew.
Kumban shu kdew, ka KHNAM kala leit ujor sha ka MHRC halor kane ka jingjia pyrshah ia u SP ka East Khasi Hills.
 halor kane ka jingjia.){kind=link}