Shillong, Nohprah 06 : Ka Iingkashari Meghalaya High Court ha ka sngi Balang, kala khot hajir ia u Superintendent of Police (SP) ka East Jaintia Hills ha ka 11 tarik Nohprah haba iadei bad ka jingiai bteng ka jingtih dewiong beain hapoh ka District.
Ha ka hukum, ka Division Bench ba kynthup ia u Chief Justice (Acting) HS Thangkhiew bad Justice W Diengdoh kala ong “Wat hapdeng ka jingshem ka ban sa ai da ka Single Member Committee, u Superintendent of Police, East Jaintia Hills, la bthah ba un wan mih dalade hakhmat ka Iingkashari ha ka 11 tarik Nohprah, 2023 ha ka por 10:30 mynstep, ban ai jingpynshai halor kane ka kam”.
“Ka jingshisha ka long, watla ka jaka theh dewiong ka don ha ka jaka ba iatip lut kata ha lyndet ka Don Bosco College, Byndihati, ka kren ia shibun kiei kiei halor ka rukom treikam jong ki Ophisar ba dei khmih, khamtam u Khliehduh ki Pulit ka District, kata u Superintendent of Police, ia kaba la khot ba dei ban ai jingpynshai” kala ong.
Ka Jylla kan hap ban ai ia ka kaiphod jinglong jingman kaba pynpaw ia ki sienjam bala shim halor ka jingai jingmut jong u Single Member Committee u Justice BP Katakey (Retd) ha ka Interim Report ba 18.
Ka Committee kala pan ia ka kaiphod na u Deputy Commissioner, kaba dei ban aiti hapoh ka shitaiew, ba kumno ka jingtih dewiong beain ka dang iohban bteng hapoh ka District.
 ka East Jaintia Hills ha ka 11 tarik Nohprah haba iadei bad ka jingiai bteng ka jingtih dewiong beain hapoh ka District.){kind=link}