Shillong, Jymmang 20 : Ka Ministry of Education kala khot aplikeshon na ka bynta ka kam Vice-Chancellor ka North-Eastern Hill University (NEHU), bad ka lad ban aplai online ha ka SAMARTH portal kan sdang naduh ka 20 tarik Jymmang, 2026.
Ka jingpynbna bala pynmih da ka Department of Higher Education kala ong ba ka kam Vice-Chancellor, “kum u nongialam ha ka pule puthi bad u nongpyniaid kam”, la khmih lynti ba un dei “ubriew uba don ia ka jingtbit ba hakhlieh duh, uba trei hok, uba bha bad uba aiti lut na ka bynta ka jaka pule”.
Kat kum ka jingpynbna lait kam, ki nongaplai ki dei ban long “ki academician kiba la paw, bad kiba la don ka jingshemphang ba ym duna ia ka 10 snem kum ki professor ha ka University lane ka jingshemphang ba 10 snem ha ki jingwadbniah kaba paw/ lane ka academic administrative organization ryngkat ki sakhi ka jinglong nongialam ha ka pule puthi”.
Ka Ministry kala bynrap ba ki kyrtong ki dei “kham kwah ia ki bym pat tam ia ka 65 snem ka rta kat haduh ka sngi ba kut jong ka jingpdiang ia ki aplikeshon jong kane ka jingpynbna laitkam”.
Haba phai sha ka tulop bad ki kyndon treikam, ka Ministry kala ong ba kane ka kam ka ioh ia ka jingsiew ba T.2,10,000 ha ka shibnai ryngkat bad ki special allowance ba T.11,250 bad kiwei kiwei ki allowance ba ju ioh”.
“Ki kyndon jong ka jingshakri kan long kito kiba la buh hapoh ka Act, Statutes bad Ordinance jong ka University” ong ka jingpynbna.
Ka Ministry ka ong ba ia ka jingthungkam yn leh na ka thup jong ki kyrtong bala phah da ka Committee kaba la thaw hapoh ki kyndon jong ka Act ka University.
, bad ka lad ban aplai online ha ka SAMARTH portal kan sdang naduh ka 20 tarik Jymmang, 2026.){kind=link}