Khluit tar ka jingpynkhreh elekshon shiteng samoi ha Tripura

Date:

Share post:

Agartala, Jylliew 22: Hadien shibnai ka jingialap elekshon na ka bynta ka elekshon shiteng samoi na bynta ki saw tylli ki assembly constituency ha Tripura kaban sa long ha kane ka sngi Palei, ka la kut noh ha kane ka sngi Ba-ar kata hapdeng ka jingkhih win kaba jur ha ki katto katne tylli ki jaka ba don katei ka elekshon.

Kane ka elekshon ka la shongshit bha khamtam haba ki la don ruh ki jingjia ia kulmar ha kitei ki constituency.

Uwei na ki kyrtong ba aireng ha katei ka elekshon ba dei u myntri barim ka sorkar BJP, u Sudip Roy Barman uba aireng na Agartala constituency na ka tiket Congress u la mynsaw jur hadien ba la kynnoh ba ki nongkyrsnan ka BJP ki la wan ban thombor kynsan ia u ha ka miet sngi U Blei.

U Barman u ba la jop haduh san sien na katei ka constituency, u don mynta ha ka jingshah sumar ha kawei ka hospital shimet ha Agartala.

Kum ka jingpynkhreh na ka bynta katei ka elekshon shiteng samoi, bun ki heh jong ki party bapher bapher kynthup naduh u Myntri Rangbah ka jylla Assam, u Himanta Biswa Sarma, nangta u General Secretary ka Trinamool Congress, u Abishek Banerjee bad bun kiwei kiwei ki nongialam jong kiwei ki party ki la wan ban ialap elekshon ha katei ka jylla.

Kiba bun ki mat ba ki nongialap elekshon ki kren kadei beit halor ka Town Bordowali Assembly constituency, ha kaba u nongialam Congress ba la 69 snem uba shimti kum u nongialam ka BJP ha katei ka jylla bad ruh kum u Myntri Rangbah ba mynta ka jylla, u Manik Saha un aireng pyrshah ia ki san ngut kiwei pat ki kyrtong.

U Saha uba dei ruh u president jong ka BJP bad MP ka Rajya Sabha u la shimti ia ka kam Myntri Rangbah ha ka 15tarik Jymmang, hadien shisngi ba u Biplab Kumar Deb u la resain na katei ka shuki nongialam ka jylla. Kane kadei ruh ka sien kaba nyngkong ia u ban aireng ha ka elekshon ba u dei ruh ban long kum u MLA hapoh 6 bnai ban bteng ia ka kam.

Ha kane ka elekshon shiteng samoi, na ka liang ka CPI-M, Congress, Trinamool Congress bad ruh na ka BJP kaba ialam ia ka sorkar ha katei ka jylla, ki la phah bun tylli ki jingujor sha ka Election Commission halor ka jingdon ki jingkulmar bad ki jingpynkhein ia ki kyndon elekshon lane ka model code of conduct ha shwa ban long ka jingthep vote.

Ka jingwan ka elekshon shiteng samoi ha katei ka jylla kadei hadien ka jingresain noh jong ki lai ngut ki MLA ka BJP bad ruh halor ka jingkhlad noh u MLA ka CPI-M u Ramendra Chandra Debnath.

Hapdeng ka jingpyrshah kaba jur da katto katne ki MLA pyrshah ia u Myntri Rangbah barim, u Biplab Deb, lai ngut ki MLA kynthup ia u Sudip Roy Barman (Agartala), Ashish Kumar Saha (Town Bordowali), bad Ashis Das (Surma), ki la mih noh na ka BJP bad ruh kum ki dkhot ka Iing Dorbar.

U Roy Barman uba dei ruh u myntri barim ka BJP bad u Saha ki la leit ban pyniasoh noh sha ka Congress ha u Rymphang mynta u snem katba u Das pat u la pyniasoh sha ka TMC ha u snem ba la dep. Dang ha une u bnai ba la dep u Das u la phet noh na ka TMC ruh.

Haba phai pat sha u Debnath, utei u nongmihkhmat uba la jop na ka Jubarajnagar constituency haduh hynriew siew sien u la bat ruh bunsien kum u Lamphang ka Iing Dorbar Thawain ka jylla. Dei ha ka 02tarik Rymphang ba u la khlad noh ha Kolkata na ka daw ka jingshitom ha u khyllai.

Ha kane ka lympung ki la don haduh 22 ngut ki kyrtong jong ka BJP, CPI-M, Congress bad Trinamool Congress bad kiwei ki party ki la sei kyrtong na bynta katei ka elekshon ha kaba ka jingthep vote kan long ha kane ka sngi Palei katba ka jingniew vote pat kan long ha ka 26tarik mynta u bnai.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...