Shillong, Risaw 18 : U President ka BJP-Meghalaya Bah Ernest Mawrie hynne ka sngi ba-ar ula ong ba ka khubor kala long shai mynta ba yn ym don ba lah ban iathaw sorkar khlem ka BJP ha u snem 2023.
Une u Nongialam ka BJP ula kynthoh ia kane halor ki jingkam jong ki seng sain pyrthei bapher bapher ba kin ioh ia ka jing jop ba bun eh ki MLA ha kane ka elekshon MLA ban wan ha ka Jylla.
Haba kdew sha ki (seng sain pyrthei) ia kaei ka jingshisha, u bah Mawrie ula ong ba kiwei ki party kila thaw ia ki iingpaki dulan ha lyer. U ong ba kine ki seng sain pyrthei ki ngeit ba ki nongthep vote ki dei kiba dang biej bad dang lah ban shu pynngop.
“Kim don jingtip satia halor ka jingpyrkhat jong ki nongthep vote. Ki paidbah ka Meghalaya kila mad ia ki jingiapher b aka BJP ka lah ban wanrah hapoh ka Jylla lyngba ki skhim ka sorkar pdeng bapher bapher kaba la ktah ia ki jingim jong ki” ula ong.
“Mynta ka kynti, ki paidbah kila kut jingmut ban jied ia ka sorkar ba ialam da ka BJP kaba trei n aka bynta ka roi ka par, kaba lait na ki kam bamsap bad kaba trei tang na ka bynta ki paidbah bad ka Jylla” ula ong.
