Nongpoh, Jylliew 05: U wei u heprit ba sumar ha Bethany Outreach Hospital mynta la 2 sngi eiei, u la khlad noh hadien ka jingpang kaba jur hadien ba ki bahaiing lem bad u ne u khyllung ki la ioh pang na ka jingia bam tit khlaw.
Lah ban kdew, ba ha ka miet jong 2 tarik kawei ka longiing kaba shong basah ha ka shnong Saiden jong ka dong Nongkyndang,,ki la bamja miet ryngkat u tit khlaw ba la suba don bih bad hadien katto katne kynta kumba 5 ngut kynthup ia u khyllung ba dang hapoh 3 snem ka rta, ki la kem pang prie bad khie shit bad la rah noh marmar sha Civil Hospital bad sha Bethany Hospital ban ioh ia ka jingsumar.
Napdeng kine ki 5 ngut kiba la shah sumar, la ioh khubor ba u ne u khyllung ba la tip kyrteng kum u Da-u-Rijied Syiemlieh u la khlad noh na kane ka sla pyrthei namar ka jingpang kaba la jur bha hadien ba la sumar hapoh ka ICU jong ka Bethany Hospital ha ki por 12 baje eiei mynmiet jong ka 5 tarik Jylliew.
