Shillong, Iaiong 14 : U MLA barim ka Sohiong constituency Bah Nit Shabong, ila khlad noh hynne ka sngi Thohdieng ha ka rta ba 84 snem, hala ka jong ka Iingsah ha Sohiong.
I Bah Nit Shabong ila jop ia ka elekshon MLA 1983 na ka congress party da 3562 vote. Ila shah rem noh ha ka elekshon 1988 ha u kyrtong ka HSPDP M Donkupar Lyngdoh.
I Bah Nit Shabong I dei u Kpa jong u kyrtong ka Congress Bah S Osborne Kharjana u ban iakhun ia ka elekshon MLA na Sohiong constituency, ka ban long ha ka 10 tarik Jymmang.
