Nongpoh, Kyllalyngkot 13: Uwei u rangbah ula khlad na ka jingshah iuh ha ka trok dumper hynne ka janmiet sngi Saitjain ha Quinine, Ri-bhoi District.
Kane ka trok ka dei kaba don u nombor
MP 65 H 0287 bad la iathuh ba kane ka trok kala ioh ïuh ïa uwei u rangbah briew haduh ba un da khlad syndon hajuh.
Katkum ka tyllong khubor, utei u rangbah u dei uba la tip kyrteng kum u Bilyfullstar Marbaniang, 35 snem ka rta ba shong ba sah haka shnong Umran Dairy.
Katei ka jingjia aksident ka la jia Katba utei u rangbah u dang pyniaid ïaki kali kiba leit ba wan namar ba dang maramot ïa katei ka surok bad katei ka dumper katba ka dang ïaid da dien (Back Gear) ka la ioh ban ïuh ïa utei u rangbah haduh ba ula khlad syndon.
La iathuh ba u draibar jong kane ka trok u la phet krad syndon na katei ka jaka.
Ki pulit ki la leit ban tohkit ia kane ka jingjia bad ia ka mat jong utei u rangbah la pynkit noh sha civil hospital, Nongpoh ban pyndep iaka Examin Postmortem .
