Shillong, Rymphang 18 : U Lamphang ka Iingdorbar Thaw Ain Thomas A Sanhma, ula ai hukum ha ka sngi Balang ba la khang pyrshah ia ki dkhot (MLA) ba kin ring bad pynsaphriang ia ki video selfie ia ki jingiakren hapoh ka Iingdorbar.
Kane ka hukum u Lamphang kala mih hadien ba uMLA ka VPP na Nongkrem Bah Ardent M Basaiawmoit ula thep ia a video ha social media ba ai kyrteng “Ka sngi nyngkong jong ka Dorbar Mang Tyngka”.
“U Dkhot ula ring video selfie ialade katba dang iaid ka jingiakren hapoh ka Iingdorbar hynnin ka sngi. La pynsaphriang ia ka ha social media” ong u Thomas ha Iingdorbar Thaw Ain.
“Kane ka dei ka jingpynkhein iaki rukom pyniaid bad ka burom jong ka Iingdorbar bad kumjuh ruh kam iahap bad ki rule kiba dei ban bud ryntih da u dkhot kat kum ka Rule 275 jong ka Rules of Procedure and Conduct of Business”.
U Lamphang ula pyntreikam ia ka Rule 315 haba ai ia kane ka rai bad ong “Kumta, haba pyntreikam ia ka Rule 315, Nga pyntip ia ka Iing ba kum kine ki kam – u dkhot uba ring video ialade hapoh ka Iingdorbar bad pynsaphriang ha ki social media – la khang pyrshah. Kane ka dei ka rai jong nga”.
Kane ka hukum kala mih hadien ba ka video jong une u MLA ka Nongkrem, kala khring ia ki jing kynthoh online bad kala pynlong ia ka shuki ban pynkynmaw biang ia ka akor ka burom hapoh ka Ingdorbar Thaw Ain.
 ba kin ring bad pynsaphriang ia ki video selfie ia ki jingiakren hapoh ka Iingdorbar.){kind=link}