Shillong, Jymmang 30 : U Deputy Commissioner ka East Jaintia Hills, ula pynmih ia ka hukum ba khang ban iaid kali mynta shipor na surok National Highway-6 namar ki jingshong synjor kiba bun ki bynta jong ka surok na ka jingrong ka umslap.
U DC uba dei ruh u Chairman ka District Disaster Management Authority (DDMA) ula ong namar ka jingther u slap, ki surok ha NH-6 ha Lumshnong, kila shong synjor bad kat kum ka kyndon 34 (b) bad (m) jong ka Disaster Management Act, 2005, la mana ban iaid kali naduh mynta tad haduh ban da dep maramot.
Ka hukum ka bthah ruh ia ka National Highway Authority of India (NHAI) ba kan shimkhia mardor ha kaban maramot ia kane ka surok khnang ban ioh iaid ki kali kumba ju long.
Ia ki kali rit la bthah ba kin iaid noh na ki surok shimet lyngba ka phylla ka Star Cement, ong ka hukum.
View this post on Instagram
