Shillong, Naiwieng 13: Namar ka tamasa Cherry Blossom ka ban long naduh ka 14 haduh 15 tarik Naiwieng, ki pulit pyniaid kali ka East Khasi Hills ki la pynbna ban pyrkhing ar sngi lynter ia ka jingiaid jong ki trok shapoh ka nongbah Shillong.
Kat kum ka kyrwoh na u SP Traffic East Khasi Hills K Prasad, yn ym shah ban iaid ki trok ba kin wan rung na ka thain Diengpasoh sha Shillong bad na Upper Shillong sha Shillong ha kine ki sngi.
La pynmih ia kane ka jingbthah ban pynthikna ia ka jingiaid beit iaid ryntih jong ki kali bad ka jingshngain na ka bynta ki nongwan tamasa bad ki nongshong shnong.
