Shillong Iaiong 21: U Additional Deputy Commsioner ka East Khasi Hills hynne ka sngi Baar, ula pyntip ia ki paitbah bad ia baroh kiba sngewkhia ba ka bynta kaba shah ktah jongka surok Shillong-Dawki Road hajan Mawlieh kadei kaba la khang ia baroh ki kali ban iaid mynta ka miet bad lashai ka sngi.
Ha ka kyrwoh, la pyntip ba ia katei ka surok la khang ban iaid kali naduh mynta ka miet haduh ka sngi Balang tad haduh ban da pynbna da kumwei pat namar ka jingiai bteng ban hap ki maw.
Watla kala don ka jingkhmih bniah da ka kompani ban pynkhuid ia ka surok man la ka por hynrei kala bteng ka jinghap ki maw kiba thymmai bad kala buh ha ka jingma ia ki nongiaid nongieng bad wat ia ki nongtrei ruh.
La kyntu ia baroh ki nongleit nongwan ban kiar ka iaid na katei ka jaka kaba shah ktah bad ban iaid noh na kiwei pat ki jaka tad haduh ban da ai da kiwei pat ki jingpynbna.
