Shillong, Rymphang 09 : Ka bor District ka West Khasi Hills, kala pynjari ia ka kyndon 163 jong ka Bharatiya Nagarik Suraksha Sanhita (BNSS), kaba khang ia ka jingtih dewiong thliew khnai bad nang pyrrkhing ia ka jingkhaii dewiong hapoh ka District.
Ia kane ka hukum la pynmih da u District Magistrate Abhinav Kumar Singh ha ka 6 tarik Rymphang, kaba la mih ruh hadien ki jingsngewkhia ia ka jingiaid ki kam tih dewiong beain wat hapdeng ka jingkhang pyrshah ka National Green Tribunal (NGT) ban tih dewiong thliew khnai naduh u Iaiong 2014.
Haba kdew ia ka “jingma ia ka jingim briew”, ka jingjot ka mariang, bad ka jingpynthut ia u paidbah na ki kam kiba don jingiadei bad ka jingtih dewiong beain, ka bor District kala khang ia baroh ki jait tih dewiong thliew khnai hapoh u pud u sam ka District bad ban khaii ia u dewiong khlem ki challan kiba treikam, ki permit, lane licence bala ai da ki bor khmih, la ka dei kiba na district ne iaid na ka district.
Ka hukum ka ong ba ka jingpynkhein ia ka hukum kan khring ia ka jingshah tian bishar ain hapoh ka kyndon 163 BNSS nalor kiwei ki kyndon ain kiba lah ban pyntreikam.
Kane ka hukum kala treikam mardor bad kan iai treikam tad haduh da pynmih da kawei pat ka hukum.
, kaba khang ia ka jingtih dewiong thliew khnai bad nang pyrrkhing ia ka jingkhaii dewiong hapoh ka District.){kind=link}