-->

Khang ka NHIDLC ia ka surok na 7 mer ban leit Sohra ba tyllun u mawbah hapdeng surok

Date:

Share post:

Shillong, Jymmang 30 : Ka National Highways & Infrastructure Development Corporation Limited (NHIDCL) kala pynbna ban khang noh shuwa ia ka surok ban leit Sohra na 7 mer, Upper Shillong namar ka jingtwa khyndew bad jingtyllun u maw bah hapdeng ka surok.

Ka NHIDCL ka pyntip ba uwei u mawbah ula tyllun nalor lum hapdeng ka surok Mylliem-Umtyngar ryngkat bad ka khyndew kaba la khang syndon ia ka surok ban iaid ban ieng.

Ka pyntip ba ka hap ban shu pynbthei da ki bomb ia une u maw ban lah pynkhuid ia ka surok. Namar kata, kala pynbna ba kan khang shuwa ia ka surok naduh 7 mer- ka ban leit shaphang ka Sohra tad haduh ban da lah pynkhuid ia une u maw bad ka khyndew.

La pyntip ruh ba kawei ka kali kit umphiang kala sahkut hapdeng jong kane ka jingtwa khyndew.

U Addl Deputy Commissioner & CEO ka DDMA, ula kyntu ia ki paidbah ba kin iaid noh na ka surok Lum Shillong bad mih sha Pomlakrai-Laitlyngkot.

Nalor kane, ka jingtwa khyndew kala jia ruh ha ka thain Langkyrdem, kaba la buh ha ka jingma ia ka leit ka wan jong ki kali.

Ki bor khmih kila kyntu ia ki paidbah ba kin kiar na ka jinghiar sha ka thain Pynursla lada kam dei ka kam kaba kyrkieh eh lane ban iaid noh na kiwei pat ki lynti kum na Jowai-Dawki ne na Sohra-Nongjri.

 

Share post:

-->
spot_img

Popular

More like this
Related

Pynkupbor ka Sorkar ia ki VDP da ka rule thymmai bad ka jingpynheh jingsiew

Shillong Risaw 29: Ka Sorkar Jylla kala mynjur ia...

Assam | Iakhih ki samla pule Bodo | Dawa pyntreikam pura ia ka Peace Accord 2020

Boko, Risaw 29: Ka surok ha Dudhnoi jong ka...

Mynjur ka Kynhun Myntri ban pynbeit thymmai ia ki skul SSA ha Jylla

Shillong, Risaw 29 : Ka Kynhun Myntri ka Sorkar...

Da ka street play ialap ban iada na ki jinglynshop ki bor mariang ha Shillong

Shillong, Risaw 29: Ka District Disaster Management Authority (DDMA),...