Imphal, Risaw 16 : Hadien ka jingmih khubor ka jingiap bun bah ki sniang na ka jingpang ka bym lah ban tip, ki bor District ka Imphal West, kila pynmih ia ka hukum ba khang ban khaii ia ki sniang bad die ia ki dohsniang ha Imphal West District.
Kat kum ka khubor, ka Tnad Veterinary kala lum nongmuna bad phah iaki sha Guwahati ban leh ia ka Laboratory Test.
Hadien ba saphriang kane ka khubor, ki nongdie sohsniang kila pynhiar ia ka dor jong ka dohsniang sha ka T. 180 shi kilo hapoh ka Jylla. Ha ki sngi bala leit noh, ka dor jong ka dohsniang ka long T. 380 shi kilo.
Kat kum ka jingiathuh ki Heh Ophisar, ka Tnad Veterinary kala pynmih ia ki kyndon ba kumno yn leh ia ki metiap jong ki sniang hynrei la suba ba don ki briew kila die pynban ia ka don jong kine ki sniang iap sha ki riew paidbah.
U Dr. Ibotombi, Director ka Tnad Veterinary u pyntip ba bun ki nongmuba bala shim ki dei jong ki sniang kiba iap bad ba dang im, kiba ri hapoh ka farm jong ka Centra Agricultural University, Iroishemba.
