Shillong, Lber 23: U District Magistrate ka Eastern West Khasi Hills haka 21 tarik mynta u bnai ula pynmih iaka hukum ba la khang ban die ne thied iaki ksai Nylon, Synthetic ne ki ksai khleh daki bilor, ne ki ksai China Manja kiba ju pyndonkam ban pynher kot kudi.
Ka hukum ka kdew ba kane ka jingkhang ban ia die ne thied kasi Nylon, Synthetic bad ksai China Manjha ban pynher kot kudi kadei namar ba kine ki buh jingma ym tang iaki briew hynrei wat iaki mrad ruh kumjuh.
“Namar ba kine ki jait ksai kidei ki bym khuid da lade (non-biodegradable) bad kine ki jait ksai ki pynjaboh iaka mei mariang ba kane ka lah ban buh jingma iaki briew bad iaki mrad, te kum shi bynta ban iada na kino kino ki jait jingmynsaw iaki briew, ki mrad ne iaka mei mariang, la mana ban ia die ne thied ia kum kine ki jait ksai” la ong ka hukum.
Pule lang ia kane: Dang iapynbeit ka Sorkar ban tei ia ka Shillong Medical College da ka PPP mode
