Shillong, Rymphang 13: U District Magistrate ka East Jaintia Hills Manish Kumar u la pynbna ba ka khang pyrshah ban pynlong ia ka jingiakop dur masi bad kiwei ki jait mrad hapoh ka District.
Ula pynpaw ba kane kadei ki jingpynkhein ia ka ain Prevention of Cruelty to Animals Act, 1960, bad ka hukum jong ka Supreme Court ha u snem 2014 ba khang ban pynlong ia ka jingiadur masi.
Ka hukum kan treikam mardor bad la maham ba kino kino ki jingpynkhein iaka hukum kin shah pynngat haki kyndon ain.
Ia kane ka hukum la pynmih hadien ba ioh jingtip ba ka ju don ka jingpyniadur masi hapoh ka thain haka por ba don ki tamasa.
“Kino kino kiba pynkhein ia ka hukum, kin shah pynshitom katkum ki kyndon ain” la ong ka hukum.
