Shillong, Naitung 8 : Ka ophis uDistrict Transport Officer (DTO) East Khasi Hills District ha ka sngi Thohdieng u la pynmih ia ka hukum ban khang ia ki kali arshaka kiba treikam kum ki kali kamai online ne offline ha ka distrik.
Ia katei ka jingbthah (notification) la pynmih da ka Regional Transport Authority Board ha ka sngi Nyngkong kaba kdew da kaba ong katkum ka, “sub section (1) jong ka section 66 jong ka Motor Vehicle Act, 1988 ki kali ar shaka kiba treikam kum ki kali kamai online ne offline kata kum ki Rapido, Uber bad kiwei kiwei la khang ba kin iaid kum ki kali kit nongleit nongwan. La maham tyngeh ruh ryngkat ka kyndon ban leh pyrshah ia kito kiba pynkhein ain.
