Shillong, K’lyngkot 23 : Ka Deputy Commissioner ka East Khasi Hills ha ka sngi palei, kala pynmih ia ka hukum ba khang ia ki kali kit skum (trok/pickup) ba palat pud, ba kin rung sha sor Shillong.
Ka hukum ka ong ba ka jingiaiad jong kine ki kali ba kit palat pud, ka buh ha ka jingbym shngain bad jingma bad ki lah ban iatakhuh bad ki waiar bording, kaba lah ban lam sha ka jingpluh ding kaba shyrkhei.
Ki skum kiba hap na kine ki kali kila pynjaboh ruh ia ki surok ha ki shnong ki thaw, bad pynsepei ia ka jingpynkhuid shnong ba shisien shisnem jong ki shnong ki thaw.
Ka hukum kala maham ruh ba kino kino kiba pynkhein ia kane ka hukum, kin shah pynsajia hapoh ka kyndon 223 jong ka BNS.
 ba palat pud, ba kin rung sha sor Shillong.){kind=link}