Shillong, Nohprah 20 : Ka Deputy Commissioner ka East Khasi Hills, kala pynjari ia ka kyndon 163 BNSS ba mana pyrshah ban pynlong ia ki jingiakhalai bad kiwei kiwei ki kam beain ha Lum Shyllong ha ka sngi lehkmen ia u Snem Thymmai.
Kat kum ka hukum, ka DC kala ong ba ka jingpynjari kala treikam halor ka jingioh khubor ba ka jingiakhalai beain bad kiwei ki kam beain kila jia ha Lum Shyllong manla u snem ha ka sngi lehkman snem thymmai bad ruh ka jinglum pisa beain na ki paidbah kum ka bai rung ne pynieng kali ha Lum Shyllong.
Kala ong ba lada ailad ia kine ki kam beain ba kin jia, ka lah ban lam sha ka jingpyndik ia u paidbah bad ktah ruh ia ka jinglong kyntang bad ka burom jong ka Raid bad ka Hima Mylliem baroh kawei.
Kala ong ba kino kino kiba ialeh pyrshah kin ngat ha ka jingpynsajia kat kum ka kyndon 188 BNSS.
