Shillong, Nailur 1: Ki bor pyniaid ka Sohra Sub Division kila pynbna ban khang ia ka iaid ka ieng jong ki kali ha Sohra ha ka step jong ka 4 tarik u Nailur namar ka jingdon ka 5th Sohra International Half Marathon ha katei ka sngi.
Katkum ka jingpynbna paidbah ba la pynmih da u Sub Divisional Officer (Civil), Sohra ha ka sngi Ba-ar, ka leit ka wan jong ki kali yn khang naduh ka por 4:30 AM haduh 10:00 AM ha ka surok Shillong-Sohra na Mawkdok lyngba ka Laitsohpliah, Mawkma, Laitmawsiang bad Laitryngew, nalor ki bynta ka lad sha Dainthlen, Khliehshnong sha Sohra, surok Laitkynsew-Sohra lyngba ka surok Mawmluh bad na surok Lad Sohbar-Sohra.
Ka bor pyniaid ki la ai jingmut ia ki nongjngohkai pyrthei bad ki nongleit nongwan ba kin plan bha ia ka jingleit jingwan jong ki katkum kane ka por khnang ban lait na ka jingeh, katba ia ki jingshakri ba kyrkieh kynthup ia ki kali kit nongpang bad ki kali pynlip ding yn lait na katei ka jingkhang.
