Shillong, Jymmang 11 : U Symbud Myntri Rangbah bad MLA ka Nartiang Bah Sniawbhalang Dhar ula kyntait ban pdiang ia ki jingkynnoh u President ka Voice of the People Party (VPP) Ardent M Basaiawmoit ba ula “sdang ban pyntreikam haba shai ia ki skhim pynroi namar ka jingtied ia ka VPP” da kaba ong ba ki nongthep vote jong u ki dei ki nongbishar kiba biang tam ia ki kam jong u.
“Balei ngan hap ong bad balei ngan hap batai ruh sha ki paidbah” ong u bah Sniawbha haba jubab ia ki jingkynnoh u Bah Ardent ha ka jingialang paidbah bala pynlong dang shen ha Jowai, West Jaintia Hills.
“Ki briew jong nga kila jied haduh saw sien lynter ia nga bad u Ardent nga sngew ba ula shah jied arsien bad shah rem bad wanphai biang. Ka pyni ba ki briew jong nga ki kham stad ban ia ki briew ka Nongkren constituency, tang katne ngan ong”.
Haba pynksan ia ka record lajong, u National Vice President ka NPP ula ong “La nga treikam haba shai ne em, ki briew jong nga ki tip kham bha. Ym don mano mano ba lah ban batai na ka bynta jong nga. Ki briew jong nga ki dei kiba dei eh ban batai ia baroh kine kiei kiei”.
Halor ka jingpynroi ia ka constituency lajong, u bah Sniawbha ula ong “Halor ki kam pynroi, Nga la pyrshang katba lah ban wanrah ia ka roi ka par bad kane ka dei ka kamram jong nga kum u MLA”.
“Kumba, ki paidbah ka Nartiang Constituency ki kham stad bad ki tip kumno ban jied iala u jong u Nongialam” ula bynrap.
 Ardent M Basaiawmoit ba ula “sdang ban pyntreikam haba shai ia ki skhim pynroi namar ka jingtied ia ka VPP” da kaba ong ba ki nongthep vote jong u ki dei ki nongbishar kiba biang tam ia ki kam jong u.){kind=link}