Shillong, Jymmang 30 : Palat 50 ngut ki briew kynthup ki Khynnah Skul, ki Longkmie bad ki Rangbah, kila kem pang kynsan kynsan na ka jingbam ba kylla bih (food poisoning), kaba ki iabam ha ka jingkhawai dap 50 snem jong ka skul ha Sohiong.
Ka tyllong khubor ka iathuh ba kane ka jingjia kala jia ha ka skul Sohiong Presbyterian Secondary School kaba khawai halor ka jingkynjoh ka skul ia u mawmer ba 50 snem.
La iathuh ba ki briew ba iohpang, kila shu prie kynsan kynsan bad la pynkit noh mar mar ia ki sha CHC ha Sohiong, Mawphlang bad Mairang.
La pyntip ba ki dang don ki briew kiba la pynkit biang sha ki jaka sumar bad haduh ba thoh ia ka khubor ym pat lah satia ban pynthikna haduh katno ngut ki don kiba kem pang bad kaei ka jingbam ba ki iabam, kaba lam sha ka jingiohpang.
Pule lang ia kane: Kyntu u Myntri ban pyntreikam thikna ia ka e-POS bad pynrung Aadhaar 100 % ha ka jingsam marbam
