Guwahati, Jymmang 12 : Haduh 8 ngut ki Pulit kila kem pang kynsan kynsan hadien ka jingbam ia u tit khlaw ha ka thain Dhemaji District hynnin ka sngi U Blei.
Kine ki Pulit kila ioh pang pynhiar bad prie hadien ba bam ia u tit. La pynthikna ia kane da ka jingeksamin hapoh Hospital hadien bala pynkit ia ki ban ioh jingsumar.
Kine ki Pulit ki dei jong ka 22 battalion bad kiba don ha Panbari kaba don marjan ka Gogamukh ha khappud ka Assam bad ka Arunachal Pradesh. Kine ki Pulit kila bam ia une u tit ha ka por bam ja step.
La tip kyrteng ia ki da u Siruz Mora, Pranjit Gayari, Dhanmoni Chetia, Adeshwar Dal, Sushaka Barkatki, Nitish Barman, Rup Kumar Changmai bad Bhargav Barua.
Ia kine ki Pulit la pynkynriah noh sha Dhemaji Civil Hospital ban ioh ia ka jingsumar ba paka.
