Nongpoh,Jymmang 13 : Ki Pulit ka Nongpoh Police Station, kila kem ia uwei u bar jylla halor ka jingsuba donkti ban pyniap ia u rangbah ha ka miet sngi Saitjain ha ka Shnong Erpakon, Ri-Bhoi District.
Une u Rangbah ba sahh pyniap u dei u Rangbah Kyrmen Lyngdoh Nonglait ba 38 snem ka rta, uba dei na ka shnong Erpakon. Ia une u rangbah la lap ba u thiah lyngktar ha surok shnong ha ka miet sngi Saitjain da ki trai shnong kiba la pynkit noh mar mar sha Civil Hospital, Nongpoh hynrei ula khlad noh ynda poi ha Hospital.
U Superintendent of Police ka Ri-Bhoi Jagpal Singh Dhanoa ula pyntip ba ki Pulit ka Nongpoh kila ioh kem ia uwei u briew ba suba donkti ban pyniap ia u Bah Kyrmen. Une u briew u kyrteng u Raju Rajbhar ba 43 sem ka rta, uba dei na Sonapur, Kamrup, Assam.
Une u Heh Pulit u iathuh ba u Raju u dei uba trrei ha kawei ka dhaba hapoh ka shnong Erpakon. Ka jingtohkit ia une u briew kala iaid shakhmat.
Ula iathuh ba ki Pulit ha ka jingtohkit, kila lap ba ka daw baroh kala mih na ka jingiashoh iadat hapdeng jong ki (Raju bad Kyrmen) hadien ka jingbyaid kyaid ha kaba u Raju ula ioh tied ia u Kyrmen da ka kynja lyntang na ki bynta jong ka skhor.
Ki pulit kila register case pyrshah ia u Raju hapoh ki kyndon pyniap briew.
