Shillong, Nailur 02 : Ki Pulit ka Laitumkhrah Police Station, kila ioh ban kem hynne ka step sngi Nyngkong, sa ia uwei u briew uba suba donkti ha ka kam leh beijot ia kawei ka kynthei ha Malki.
Ia une u briew la kem na Smit bad la tip kyrteng da u Kitbok Reuben Mawthoh, uba la phet rieh naduh ka janmiet sngi Satjain.
Kat kum ka khubor, ia une u briew la ioh kem da ki Pulit na ka thain Smit ha ka por 2 baje mynstep hadien ka jingthwet kaba jur bha.
Lah ban kdew, ha ka sngi Saitjain, kawei ka kynthei kala ujor ejahar ba shah leh beijot ha ki arngut ki briew ha Malki. Ha kane kajuh ka sngi, ki Pulit ka Laitumkhrah kila kem ia uwei na kine ki arngut, uba kyrteng u Andy Malngiang ba 19 snem ka rta.
Ka Iingkashari kala set ia une u breiw hapoh ka Judicial custody kaba 14 sngi.
