Shillong, Nailar 24 : Ki Pulit kila kem sa ia uwei u nongialam ka Khasi Students’ Union (KSU) ha ka sngi Nyngkong, haba iadei bad ki jingjia kam thombor ha ki kynta iaid rally thuk thuk jong ka seng ba long ha ka 19 tarik Nailar.
Une u nongialam ka KSU u dei uba bat ia ka kam Assistant Organising Secretary samla Jeremiah Pohthmi bad la kem ia u na ka thain Nongmensong, ong u Superintendent of Police ka East Khasi Hill Bah Vivek Syiem haba iakren bad ki nongthoh khubor.
U iathuh ba ki Pulit kila rah tian bishar ia u sha Iingkashari bad pan ia ka police custody.
Kat kum ka jingong ki Heh Pulit, u Jeremiah u dei uwei na ki san ngut ki riewtap khmat bala ithuh durkhmat haduh mynta, kiba donkti ban leh ia ki kam thombor khamtam ka jingthombor ia ki kali Assam.
Shuwa ia kane, ki Pulit kila kem ia lai ngut ki nongialam ba hakhmat ka KSU ba kynthup ia u President samla Raymong Kharjana, Vice President samla Pynkmenlang Sanmiet bad General Secretary samla Reuben Najiar haba iadei bad kane kajuh ka jingjia.
 ha ka sngi Nyngkong, haba iadei bad ki jingjia kam thombor ha ki kynta iaid rally thuk thuk jong ka seng ba long ha ka 19 tarik Nailar.){kind=link}