Kem ki Pulit sa arngut ki suba nongrahbor na Ri-lum Garo

Date:

Share post:

Tura, Nailur 5: Hadien ka jingiohkem ki nongshong shnong ka Sangknigre ia ki nongleh kam sniew, hynne ka sngi Baar, sa ar ngut ki briew kiba la rung ha ka shnong Rongdi Anchenggre kila shah kem bad la kurup ruh ia ka kali ka jongki.

Ha ka sngi nyngkong, uwei uba la suba jur ula shahkerkut ha ki nongshong shnong Rongdi Anchenggre, kaba hap hapoh ka Sangknigre Police Station bad ki nongshong shnong kila kynnoh ba une u briew udei uba donkti bad kawei ka kynhun runar kaba la suhbuit ban rahbor ia uwei u nongkhaii bar jylla na katei ka thaiñ.

Arngut ki briew kila wanpoi da ka kali Maruti Gypsy ha ka shnong hynne ka sngi baar kiba la kam ba kila wan iit ia uwei u briew uba la jah. Ia kitei baroh arngut la kem da ki nongshong shnong bad la tohkit ia ki ha kaba kila phla ba ki wan ban pyllait ia u dkhot u jongki uba la shah kem ha ka sngi kaba bud.

Ia kitei baroh 3 ngut bad ka kali la aiti noh sha ki pulit bad la rejistar case ruh pyrshah ia ki bad ka jingthwet ia kiwei pat ki runar jong katei ka kynhun ka dang iaid shakhmat.

Uwei na kiba la sha hkem udei uba na Tura, katba arngut pat kidei kiba na ka thaiñ Rimrangpara jongka Chokpot.

Share post:

spot_img

Popular

More like this
Related

Shah pynkup burom u Prof David R Syiemlieh da ka Padma Shri Award

Shillong, Iaiong 28 : U Prof David R Syiemlieh...

Pyntip u SP bym don nong Pakistan ba sah ha Shillong ne EKH

Shillong, Iaiong 28 : U Superintendent of Police ka...

Dawa ka COMSO ban thung jingtohkit halor ka jingkynnoh bamsap na ka skhim MGNREGA

Shillong, Iaiong 28: Ka Confederation of Meghalaya Social Organisations...

Pyrshah jur ki samla pule ka NEHU ba phah Pulit sha phyllaw ka skulbah

Shillong, Iaiong 28 : Ki samla pule ka North...