Nongpoh, Iaiong 26 : Ki Pulit ka Ri-Bhoi District hynne ka sngi Balang, kila ioh kem ia arngut ki Nongkhaii droks ba kynthup ia kawei ka Kynthei katba ki dang thmu ban shalan ia u droks na Tripura sha Bihar ha kawei ka bos tourist.
Ka Kynhun ANTF ka Ri-Bhoi haba ioh jingtip ba thikna, kila pyniap shrip ia kane ka bos ha Byrnihat bad ha ka por 9 baje mynstep, kila ioh bat ia kane ka bos ba don u nombor AS01-LC-1412.
Hadien ka jingwan ki sakhi shimet, ka kynhun kala khynra ia kane kabos bad kala ioh ban kurup haduh 5 song ki song ba la thep ia u drok na ki arngut ki nongkhaii.
Ia kine ki arngut la tip kyrteng da u Rohit Kumar na Jhauganj, Bihar bad ka Premlata Devi ban a Panchayat Lagar, Bihar.
Ka kynhun kala test ia une u drok uba khia haduh 16.2 kilo bad shem ba u dei u marijuana ne u Ganja. Ka Kynhun kala kem noh ia kine ki arngut bad kila ioh ruh ban kurup ia artylli ki mobile phone.
Ia kine ki briew la register case ha Byrnihat bad la pynngat ia ki hapoh ka kyndon jong ka ain Narcotic Drugs and Psychotropic Substances(NDPS) Act. Ka jingtohkit mynta ka dang iaid shakhmat.
Pule lang ia kane: Pyntip u DyCM : “Ka Sorkar kan iakren tang ia ka Roster System ym ia ka Reservation Policy”
