Shillong, Jylliew 28: Ki Pulit ka Ri-Bhoi District kila kem ia uwei u tynmen bala palat 70 snem ka rta namar ka jingkynnoh leh beijot ia kawei ka Khynnah Rit.
Ia une u briew la pynngat mynta hapoh ki kyndon jong ka Protection Of Children from Sexual Offences (POCSO) Act. Kane ka jingjia kala jia ha ka sngi Ba-ar ha kawei ka shnong kaba don ha Ri-Bhoi.
Kane ka Khynnah kala ud suhkpoh naduh ka miet sngi nyngkong bad ki bahaiing hasem kila kit mar mar ia ka sha hospital ban phah sumar ha ki doktor hynrei phewse kila ioh pynban ia ka jubab ba kane ka Khynnah kala ngat ha ka kam shah leh beijot, ong ki Pulit.
Kane ka Khynnah kala phla ruh ha ki Kmie ki Kpa ba une u briew uba leh ia kane ka kam u dei u bahaiing hasem hi.
Ki Kmie Kpa kila leit ujor da ka ejahar pyrshah ia une u briew bad ki Pulit kila leit ban kem noh mardor ia u.Ka jingtohkit ia une u briew kala iaid shakhmat.
Pule ruh: Manipur: Ther tyngeh ka Kuki Inpi ia ka Sorkar Jylla halor ka rai “No Work, No Pay’ ia ki Nongtrei
