Shillong, Jylliew 29 : Ki Pulit kila kem ia uwei u shipai barim bad ioh kurup drokk na ka met jong u ha ka sngi Thohdieng na Happy Valley.
Une u shipai u kyrteng u Lhunkhojang Kuki ba khot sin u Pajang bad Jangkholal ba lah 63 snem ka rta. U dei uba la shongthait kum u shipai ka Assam Rifles ha u snem 2001, ong ki Pulit.
Na ka met une u shipai, ki Pulit kila ioh kurup ia 6 tylli ki synduk sabon ba thep ia u drok heroin ba khia 64.41 gram.
Nalor kane, kila ioh kurup ruh ia kawei ka mobile phone, kawei ka scooty ba don u nombor
MN 01 Y 8820, ba pisa ba T. 21,600/- bad ka licence niah kali.
